केंद्र सरकारची श्रमिक लेबर-कार्ड योजना (e-shram UAN card yojana )

केंद्र सरकारची श्रमिक लेबर - कार्ड योजना   (e-shram UAN card yojana ) केंद्र सरकारने ई-श्रम श्रमिक कार्ड हि योजना असंघटीत कामगारांसाठी आणल...

केंद्र सरकारची श्रमिक लेबर-कार्ड योजना  (e-shram UAN card yojana )

केंद्र सरकारने ई-श्रम श्रमिक कार्ड हि योजना असंघटीत कामगारांसाठी आणली असून त्याचा फायदा घरगुती कामे करणाऱ्या महिला,वीटभट्टी कामगार, सुतार, गवंडी, लोहार, प्लंबर, सुरक्षा रक्षक, भाजी विक्रेता, टपरी-धारक, अशा अनेक असंघटीत कामगारांसाठी National Database of Unorganized Workers (NDUW)  ‘श्रमिक कार्ड योजना’ काढली आहे. 

त्यामुळे केंद्र सरकारकडे असंघटीत कामगारांची नोंद होणार आहे. त्यासाठी https://www.eshram.gov.in/ या पोर्टलवर ऑनलाईन नोंदणी करून ई-श्रम कार्ड (ओळखपत्र) डाऊनलोड करून घ्यायचे आहे. त्यावरून असंघटीत कामगारांना विविध योजनेचा लाभ मिळणार आहे.

मिळणारे फायदे :-

• डेटाबेसच्या आधारावर सामाजिक सुरक्षा योजना मंत्रालय/सरकारांद्वारे अंमलात आणल्या जातील.
• प्रधानमंत्री सुरक्षा विमा योजना
• NDUW  अंतर्गत नोंदणीकृत कामगार प्रधानमंत्री सुरक्षा विमा योजना घेऊ शकतात.
• लाभार्थींना प्रीमियम रु. 12 एका वर्षासाठी माफ असेल.

NDUW E-Shram UAN Card मध्ये नोंदणी का करावी ?

• असंघटित कामगारांना सामाजिक सुरक्षा आणि कल्याणकारी योजनांचा लाभ मिळेल.
• हा डेटाबेस असंघटित कामगारांसाठी धोरण आणि कार्यक्रमांमध्ये सरकारला मदत होईल.
• कामगारांच्या कार्यशक्तीचा मागोवा घेणे.
• रोजगाराच्या अधिक संधी उपलब्ध करून देणे.

 ई-श्रम कार्ड करिता पात्रता :-

• खालील निकष पूर्ण करणारे प्रत्येक कामगार NDUW अंतर्गत नोंदणीसाठी पात्र आहेत.
• वय 16-59 वर्षे असावे
• आयकर भरणारा नसावा
• EPFO आणि ESIC चे सदस्य नसावेत
• असंघटित कामगार श्रेणीमध्ये कार्यरत असणे आवश्यक आहे.

ई-श्रम कार्ड करिता अर्ज कोण करू शकतात :-

अल्पभूधारक शेतकरी, शेतमजूर, मीठ कामगार, सुतार कामगार, वीटभट्ट्या आणि दगडखाणीतील कामगार, सामान्य सेवा केंद्रे, मच्छीमार कामगार, घरकाम करणाऱ्या महिला, जे पशुपालनात गुंतलेले आहेत, रस्त्यावर विक्रेते, बीडी लाटणे सुईणी, घरगुती कामगार, आशा कामगार, इमारत आणि बांधकाम कामगार, नाई, दूध उत्पादक शेतकरी, लेदर कामगार, भाजी आणि फळ विक्रेते, स्थलांतरित कामगार, विणकर, वृत्तपत्र विक्रेते, रिक्षा ओढणारे, ऑटो चालक, घरगुती कामे करणाऱ्या महिलांसाठी , सुतार, गवंडी, लोहार, सुरक्षा कर्मी, प्लंबर , भाजी विक्री करणारे इत्यादी सर्वासाठी श्रमिक कार्ड योजना काढली आहे. त्यामुळे सरकारच्या डेटाबेसवर अश्या असंघटित कामगाराची नोंद होणार आहे. 

ई-श्रम कार्ड करिता अर्ज कोण करू शकत नाही :-
* संघटित क्षेत्रात काम करणारा व्यक्ती.
*संघटित क्षेत्रात खाजगी किंवा सार्वजनिक क्षेत्रातील कामगारांचा समावेश आहे ज्यांना नियमित पगार, वेतन आणि
   भविष्य निर्वाह (PF) निधी आणि ग्रॅच्युइटीच्या रूपात आणि सामाजिक सुरक्षा यासह इतर लाभ मिळतात.

अर्ज करण्यासाठी आवश्यक कागदपत्रे :-

०१- आधारकार्ड

०२- बँक पासबुक

०३- मोबाईल नं. आधार-बँक ला लिंक असावा.

०४- उत्पन्न दाखला

०५- व्यवसाय प्रमाणपत्र

०६- कौशल्य प्रमाणपत्र

०७- शिक्षण प्रमाणपत्र 

अधिकृत वेबसाईट :- https://www.eshram.gov.in/

वैयक्तिक नोंदणीसाठी येथे क्लिक करा :-https://register.eshram.gov.in/#/user/self

कृपया आपल्या मित्रांना शेअर करा.

                                      धन्यवाद !